Presidenti i Napolit, De Laurentiis ka dhënë një intervistë ku foli për klubin, pronësinë e stadiumit në Itali dhe dallimet midis pesë ligave më të mira evropiane.

Ai ka treguar se i janë ofruar një shumë e madhe për ta blerë klubin.

“Në Itali jemi vite drite mbrapa në krahasim me Anglinë, por edhe me Spanjën dhe Gjermaninë. A duhet t’i bëjmë stadiumet që të shkatërrohen? Vite më parë u hodh një motoçikletë në San Siro: duhet t’i japim fund. Bashkitë nuk hedhin para në stadiume sepse nuk bëjnë t’i dorëzojë për një euro klubeve që në fakt do të garantonin investime. Kur më ofruan 2.5 miliardë euro për Napolin një vit më parë, pyeta veten: a kam nevojë për to? Unë kam origjinë napolitane, por duhet të kisha blerë një klub në Angli”, tha ai.

Napoli është duke lundruar në Serie A deri më tani dhe është 16 pikë përpara Lazios të vendit të dytë. Skuadra e Luciano Spallettit është një nga skuadrat më emocionuese në Evropë këtë sezon, e drejtuar nga dyshja sulmuese e Victor Osimhen dhe Kvicha Kvaratshkhelia.

Me një dorë në trofeun e Serisë A këtë sezon, Napoli është gjithashtu në garë për titullin e Champions League. Ata do të përballen me një tjetër skuadër italiane, AC Milan, në çerekfinalet e UEFA Champions League këtë sezon./Arbresh.info/