Presidenti i Napolit: Barcelona s’ka para të mjaftueshme, nuk është kërkuar Koulibaly

11:56 | 21 Maj 2022
S D

Presidenti i Napolit, Aurelio de Laurentiss, ka komentuar raportimet se Barcelona ka shprehur interesim për Kalidou Koulibalyn.

Ai tha se Barça nuk e ka kërkuar zyrtarisht senegalezin, teksa pretendon se klubi nga La Liga nuk ka para të mjaftueshme për blerjen e tij.

“Barcelona nuk ka kërkuar Koulibaly dhe unë mendoj se Barça nuk ka para të mjaftueshme për të nënshkruar me ndonjë lojtar”, tha presidenti i Napolit për “Jijantes”, transmeton Gazeta Express.

Aurelio de Laurentiss gjithashtu tha se Napoli nuk është i interesuar për të shkëmbyer Koulibalyn me Miralem Pjanicin, siç u raportua ditëve të fundit.

“Ne nuk jemi të interesuar për ndonjë marrëveshje shkëmbimi”, shtoi ai.

Barcelona synon që të përforcohet në mbrojtje për sezonin e ardhshëm, teksa mbetet të shihet nëse do t’ia del të nënshkruajë me Koulibalyn.

30-vjeçari me Napolin ka kontratë të vlefshme deri më 30 qershor 2023.

Shpërndaje në rrjete sociale

Lajmet më të lexuara

Të ngjashme

Foto lajm