Presidenti i Komitetit Olimpik të Kosovës, Besim Hasani, ka pritur në zyrën e tij, zyrtaren e lartë për Marrëdhënie me Jashtë të Komitetit Olimpik të Gjermanisë, Celine Babiq, e shoqërohej nga drejtori teknik i Federatës së Futbollit të Kosovës, gjermani Michael Nees.
Presidenti Hasani duke i uruar mirëseardhje në Kosovë mysafires Babiq e falënderoi për bashkëpunimin e frytshëm që kanë dy Komitetet Olimpike, në veçanti kontributin që KO i Gjermanisë ka dhënë në procesin e ndërkombëtarizimit të Lëvizjes Olimpike në Kosovë.
Presidenti Hasani vlerësoi lartë kontributin e drejtorit tektnik në FFK, Nees, për punën e shkëlqyer në ngritjen e kapaciteteve të trajnerëve të futbollit sipas standardeve të UEFA-s.
Presidenti Hasani e njoftoi zyrtaren Celine Babiq me të arriturat e Komitetit Olimpik të Kosovës, me theks të veçantë medaljen e artë Olimpike të Majlinda Kelmendit, në debutimin e Kosovës në Lojërat Olimpike Rio 2016.
Nga ana e saj, Babiq falënderoi Presidentin Hasani për pritjen, derisa vlerësoi lartë të arriturat e KOK-ut për një kohë të shkurtër të anëtarësimit në KON.
Në fund të takimit të dy palët shkëmbyen dhurata./arbresh.info
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...