Premier Liga publikon orarin dhe datat e ndeshjeve për sezonin 2022/23

18:28 | 11 Nëntor 2021
KRG

Liga angleze, Premier League, ka konfirmuar datat dhe orarin e ndeshjeve për sezonin e ri, 2022/23.

Orari i është përshtatur edhe sipas ndeshjeve  të Kupës së Botës, “Qatar 2022”, pasiqë shumica e lojtareve në klubet angleze, janë pjesë e Kombëtareve të tyre të cilët priten të kualifikohen tutje.

Sezoni i ardhshëm i Premier Ligës do të fillojë më datën 6 gusht 2022.

Ndeshja e xhiros së 16-të do të jetë grupi i fundit i ndeshjeve të luajtura gjatë fundjavës 12-13 nëntor përpara periudhës së thirrjes për turneun që fillon të hënën më 14 nëntor.

Liga angleze do të rifillojë pas finales së Kupës së Botës FIFA, e cila zhvillohet të dielën më 18 dhjetor 2022.

Kupa e Botës e cila është vendosur të mbahet në Katar, për së pari herë në historinë e këtij kompeticioni, do të mbahet në stinën e dimrit edhe pse në Katar, stina e dimrit nuk është shumë e ftohtë siç është në kontinentet e tjera, pasiqë në shtetet arabe, temperaturat janë të larta. /arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm