Google ADS

Premier League fillon sonte, Manchester United ia bënë “përhajr” sezonit të ri

10:35 | 16 Gusht 2024
KRG

Sezoni 2024/25 në Premier League do të fillojë sonte me një ndeshje interesante në “Old Trafford”. Manchester United, që është në kërkim të një sezoni të suksesshëm, do të ndeshet me Fulham, me fillim nga ora 21:00.

Manchester United e ka nisur sezonin më herët me një humbje pas penalltive në “Community Shield” ndaj rivalëve të tyre lokal, Manchester City, përcjell Arbresh.info.

Megjithatë, me përforcimet e reja që janë bërë gjatë verës dhe me trajnerin Erik ten Hag në drejtim, ekipi synon të arrijë rezultate më të mira dhe të sfidojë për titullin e kampionit në këtë edicion të ri të Premierligës.

Ndërkohë, një tjetër ndeshje e rëndësishme e xhiros së parë është planifikuar për të dielën. Chelsea do të presë në shtëpi kampionin në fuqi, Manchester City, në një përballje që pritet të jetë shumë e ngushtë dhe interesante.

Kjo ndeshje do të ofrojë një mundësi të shkëlqyer për të parë se si ekipet më të forta të ligës janë përgatitur për këtë sezon të ri. /Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm