Manchester City është gjobitur me 2.5 milionë euro nga Premier League për shkelje të veçanta nga 115 akuzat e tyre për FFP.
Klubi anglez është tashmë në mosmarrëveshje me Premier League për 115 shkeljet e pretenduara të klubit të rregullave financiare.
Blutë, megjithatë, janë ndëshkuar për një rregull pak të njohur, duke e thyer atë 22 herë në një periudhë prej dy sezonesh.
Klubi është gjobitur me mbi dy milionë euro për 22 shkelje në lidhje me vonesat e fillimit pasi pranoi sanksionin e konfirmuar në një deklaratë nga liga.
Raportime të mëtejshme zbuluan gjithashtu se fillimet e vona përfshijnë rinisjet pas intervalit 15-minutësh të pjesës së parë në ndeshjet e ligës, raporton MailSport.
Në deklaratë thuhej: “Premier League dhe Manchester City FC kanë hyrë në një marrëveshje sanksioni pasi klubi pranoi se kishte shkelur Rregullin L.33 të Ligës Premier në lidhje me detyrimet e fillimit dhe rifillimit (të ndeshjes)”.
“Shkeljet kanë të bëjnë me një numër ndeshjesh të Ligës Premier gjatë sezoneve 2022/23 dhe 2023/24. Rregullat në lidhje me fillimin dhe rinisjen ndihmojnë për të siguruar që organizimi i garës të vendoset në standardin më të lartë të mundshëm profesional dhe ofron siguri për tifozët dhe klubet pjesëmarrëse. Gjithashtu siguron që të mbahet transmetimi i të 380 ndeshjeve të Ligës në mbarë botën”.
“Siç kërkohet nga rregullat e Ligës Premier, marrëveshja e sanksionit është ratifikuar nga tre anëtarë të Kolegjit të Pavarur Gjyqësor”.
Man City shtoi: “Klubi ka kërkuar falje dhe u ka kujtuar lojtarëve dhe ekipeve drejtuese për prgjegjësitë e tyre”.
Zhvillimi i fundit midis Premier League dhe Man City vjen pasi kampionët në fuqi të Anglisë mbeten të përfshirë në një betejë ligjore mbi shkeljet e supozuara të rregulloreve financiare. /Telegrafi/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite