Ish kampioni evropian Portugalia ka fituar ndeshjen e fundit me rezultat 2-0, në kuadër të kampanjës kualifikuese për “Euro 2024”, ndaj Islandës.
Kjo fitore ishte e 10-ta në po aq ndeshje për portugezët, shkruan Arbresh.info.
Skuadra e Roberto Martinez ka kaluar një formë të jashtëzakonshme në këtë kampanjë ku ka arritur të shënoj 36 gola dhe të pranoj vetëm dy sosh.
Përveç mbylljes së kampanjës në mënyrë ‘maestrale’ nga Portugalia, ky triumf e fut në histori teknikun spanjoll Roberto Martinez i cili bëhet trajneri i parë në histori të Portugalisë që arrin këtë shifër të qind për qind të fitoreve në një kampanjë kualifikuese.
Kujtojmë se Portugalia renditet e para në tabelën përmbyllëse të grupit J, me 30 pikë pas tyre vjen Sllovakia me 22 pikë, njëkohësisht këto dy skuadra janë edhe të kualifikuara për “Euro 2024”.
Në vendin e tretë është Luksemburgu me 17 pikë, Islanda mbeti në vendin e katërt me 10 pikë, Bosnja është e parafundit me një pikë më pak teksa tabelën pa pikë e mbyll Lihtenshtajni./Arbresh.info/
“Travel and Tour World”: Shqipëria moment historik të ri në ...
Rama ndan pamjet: Punimet në urën mbi lumin e Tiranës janë r...
Sot mbahet protestë solidarizuese me punëtoret teknike të Ku...
Ngjarjet e paralajmëruara për sot
Shpërthim me tritol në Shkodër
E pyesin se kur do të pensionohet nga boksi – Joshua impresi...