Pogba, shënjestra kryesore e Juventusit

11:53 | 1 Shkurt 2020
A. B.

Juventusi nuk arriti as në këtë janar transferimit e Paul Pogbas nga Manchester United.

Zonja e Vjetër tentoi edhe në verën e kaluar që ta transferonte mesfushorin francez, por nuk ia doli mbanë.

Calciomercato raporton se fituesi i Kupës së Botës është bërë prioritet i skuadrës italiane për afatin kalimtar të kësaj vere.

Mesfushori qëndroi në Old Trafford edhe në këtë afat, mirëpo duket se në afatin e ardhshëm do të largohet përfundimisht nga Liga Premier.

Unitedi e transferoi Bruno Fernandesin nga Sporting Lisbona pak ditë më parë, ndërsa thuhet se Pogba do të jetë i lirë të largohet nga ta.

Francezi ishte larguar nga Juventusi në vitin 2016 për shumën rekorde 105 milionë euro, për t’u rikthyer te skuadra angleze që e kishte lëshuar pas asnjë cent te torinezët. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm