Google ADS

Pochettino pas fitores së Chelseat: Jam i lumtur, e rëndësishme është të gjesh besimin

12:40 | 28 Shtator 2023
KRG

Chelsea ka arritur të shënojë fitore ndaj Brightonit në kuadër të Carabao Cup.

I kënaqur me këtë fitore, është shprehur edhe menaxheri i “Bluve të Londrës”, Mauricio Pochettino, shkruan Arbresh.info.

“Ishte një përgjigje e mirë nga ekipi. Jam edhe një herë shumë i kënaqur me paraqitjen. Jam i lumtur me fitoren dhe mendoj se është e rëndësishme të kapërcëjmë raundin, duke ndërtuar besimin tonë dhe duke gjetur vrull. Shpresojmë se ne mund ta çojmë atë moment në të ardhmen.

Nuk është kurrë e lehtë të luash duke pasur parasysh situatën dhe rrethanat. Sot (dje) ishte një fitore e domosdoshme. Sigurisht, pasiguria dhe nganjëherë presioni për të fituar do të thotë që ne nuk jemi perfekt në pozicionet tona në fushë. Por mendoj se në pjesën e dytë ne dominuam lojën dhe e merituam plotësisht fitoren”, është shprehur trajneri argjentinas./ Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm