Pochettino flet për të ardhmen e Mbappes dhe lidhjet e lojtarit me Real Madridin

15:55 | 19 Gusht 2021
A. B.

Trajneri i Paris Saint-Germain, Mauricio Pochettino ka folur për të ardhmen e sulmuesit shumë të përfolur, Kylian Mbappe.

Sulmuesi francez është në vitin e fundit të kontratës së tij me PSG-në, por ende nuk ka marrëveshje për rinovimin e saj.

E ardhmja e tij ka qenë shumë e përfolur, ndërsa së fundmi ka folur edhe trajneri i tij Pochettino.

“Mbappe po punon shumë mirë. E shoh atë të qëndrojë me ne këtë sezon”, ka thënë fillimisht trajneri argjentinas.

Argjentinasi tutje foli edhe për lidhjet e Mbappes me Real Madridin, lidhje të cilat i cilësoi thashetheme dhe e sheh atë të qëndroj te PSG.

“Ka shumë thashetheme, por ai është i qetë”.

“Ne duam që ai të qëndrojë këtu. Ai ka edhe një vit në kontratën e tij me ne”.

“Edhe nëse ai nuk rinovon, ai është ende një lojtar i PSG”, përfundoi Pochettino. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm