Google ADS

Pochettino: Dua të kthehem në Ligën Premier

09:48 | 12 Shkurt 2020
Arbresh.info

Mauricio Pochettino e ka pranuar se do të dëshironte të kthehej në Ligën Premier.

Trajneri argjentinas ka qenë i papunë që prej nëntorit, kur u shkarkua nga detyra e tij te Tottenham Hotspur.

Është e paqartë ende se ku do të shkojë Pochettino në të ardhmen, por ai me sa duket po pret një mundësi për tu kthyer në Ligën Premier.

“Për të qenë i sinqertë, unë do të doja të punoja në Ligën Premier”, ka thënë fillimisht Pochettino për Sky Sports.

“Do të jetë e vështirë, unë e di, dhe tani për tani është një moment për të pritur dhe ne do të shohim se çfarë ndodh”.

“Është një moment rikuperimi, të mendoni pak për veten tuaj dhe të jeni gati sepse në futboll gjithmonë mund të ndodhë diçka dhe duhet të jeni gati”.

“Jam gati dhe pres një sfidë të re. Kam besim te vetja dhe besim se sfida tjetër do të jetë fantastike”, përfundoi trajneri argjentinas. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm