Plani i Real Madrid – Haaland qëndron edhe një vit tjetër te Dortmund

22:23 | 11 Shkurt 2022
Lorik Gerbeshi

Real Madrid i ka kërkuar Erling Haaland që të qëndrojë edhe për një vit tjetër te Borussia Dortmund, më pas t’u bashkohet “Los Blancos” në verën e vitit 2023, sipas raportimeve të gazetës gjermane, “Ruhr Nachrichten”.

Sulmuesi norvegjez, i kërkuar nga shumë klube, përfshirë edhe Barcelonën dhe PSG-në, duhet të vendosë për fatin e tij në ditët në vijim.

Sipas mediave iberike, interesimi i Realit për Halland është ftohur në periudhën e fundit, ndërsa tashmë ka marrë formë kjo hipotezë e re. Klubi madrilen po studion planin për ta blerë norvegjezin në vitin 2023, vit i cili është edhe skadimi i kontratës së Karim Benzema.

Pavarësisht kësaj, Haaland, i cili diket se i ka dhënë Madridit një formë përparësie, sërish do të preferonte të lëvizte gjatë afatit kalimtar të verës së ardhshme.

Shpërndaje në rrjete sociale

Lajmet më të lexuara

Të ngjashme

Foto lajm