Që përpara finales së Ligës së Kampionëve në maj është bërë e ditur se Mariano Diaz nuk kishte në plan të largohej nga Real Madridi këtë verë.

Në vend të kësaj, plani i tij ka qenë të shohë kontratën e tij me kampionët evropianë të përfundojë dhe më pas të largohet nga klubi si një transferim i lirë verën e ardhshme. Ai as tani nuk ka dyshime për këtë.

Mariano fiton 4.5 milionë euro neto në Real Madrid, diçka që ai nuk do të paguhet kurrë në asnjë klub tjetër spanjoll.

Është e qartë se ai nuk dëshiron të heqë dorë nga kjo pagë dhe do të ishte një surprizë e madhe nëse ai do të largohej nga klubi para fundit të gushtit.

Askush në Real Madrid nuk është më i befasuar dhe interesat e tij janë të qarta tash e tre vjet. Ai nuk shqetësohet nga mungesa e minutave. Ai është i lumtur që paguhet mirë.

Mariano ka qenë vazhdimisht i lënduar në Real Madrid dhe ka pasur gjashtë lëndime vetëm sezonin e kaluar.

Në katër sezonet e fundit, ai ka luajtur vetëm 1,907 minuta nga 18,810 të mundshme.

E vetmja herë që Mariano iu afrua largimit nga Valdebebas ishte kur Valencia u interesua sezonin e kaluar. Gjërat thuajse u konfirmuan dhe ai do të kishte fituar akoma më shumë para se në kryeqytet, por gjithçka dështoi pa një shpjegim në minutën e fundit.

Mendohej se njerëzit në Valencia nuk ishin të impresionuar pas takimit me lojtarin, dhe kështu nuk kaloi.

Carlo Ancelotti nuk ka në plan të përdorë Marianon, edhe pasi i la Borja Mayoral dhe Luka Jovic të largohen këtë verë. Eden Hazard, Rodrygo Goes dhe Marco Asensio janë alternativat në numrin 9 përpara tij. /Telegrafi/