Lionel Messi nuk është i lumtur me planet e Barcelonës rreth transferimeve për këtë verë.

Klubi katalunas humbi shënjestrën e tyre kryesore Antoine Griezmann në fillim të javës pas disa muajve spekulime, transmeton portali arbresh.info.

Griezmann është përfolur shumë për transferim te klubi në Camp Nou, por sulmuesi i shpejtë ka refuzuar transferimin te skuadra e Ernesto Valverdes në mënyrë për të vazhduar qëndrimin te Atletico Madridi.

Bazuar në gazetën spanjolle për transferime ‘Don Balon’, Messi nuk është i lumtur që nuk do të jetë në formacion sezonin e ardhshëm së bashku me ish yllin e Real Sociedadit.Messi poashtu është i irrituar nga dështimi i Barcelonës për të hequr dorë nga Rafinha. Mesfushori iu bashkua Interit në formë huazimi nga Barcelona në muajin janar.

Marrëveshje e përkohshme dhe afatshkurtër përfshinte një opsion për blerje që mendohej se ishte rreth 30 milionë funta. Interi thotë se ata janë të impresionar nga braziliani.

Drejtori sportiv, Piero Ausilio ka sugjeruar që do të shikoj mundësinë për të negociuar.

Interi gjithashtu është duke kërkuar nënshkrimin me Aleix Vidal dhe Messi është i zemëruar që skuadra në Serie A dëshiron të paguaj vetëm 9 milionë funta për nënshkrimin me të.

Vidal nuk ka arritur të adaptohet në Camp Nou qysh pas transferimit në verën e vitit 2015. Ai ka bërë vetëm 30 paraqitje në La Liga dhe largimi i tij pritet të ndodhë brenda javë të ardhshme./arbresh.info/