Pjesa e parë: Ishujt Faroe 0-1 Kosova

18:50 | 14 Tetor 2018
Arbresh Info

Kosova e ka nisur mjaftë mirë ndeshjen pasditen e sotme (e diele) kundër Ishujve Faroe.

Përfaqësuesja jonë është duke udhëhequr me rezultat minimal 0 me 1 në takimin si mysafirë në kuadër të xhiros së katërt në Ligë të Kombeve kundër Ishujve Faroe, shkruan portali arbresh.info.

Anësori Milot Rashica arriti të realizoj më në fund për kombëtaren tonë pas gjithsej 15 paraqitjeve.

Mesfushori i Bremenit shfrytëzoi një top të humbur në mes të pjesës së skuadrës nikoqire duke dërguar topin me një super goditje drejtë portës së portierit 32-vjeçar Nielsen në një pozitë të paarritshme.

Rashica festoi duke bërë shqiponjën golin e realizuar në minutën e 9′ të ndeshjes në Torsvollur.

Kosova siguron vazhdimin tutje si një lider i grupit të tretë në Ligën D në rast se rezultati vazhdon të qëndrojë në favor të tyre.

Arbresh.info do t’iu mbajë të informuar në kohë reale edhe për pjesën e dytë./arbresh.info/

Shikoni supergolin nga Rashica:

Shpërndaje në rrjete sociale

Lajmet më të lexuara

Të ngjashme

Foto lajm