Trajneri italian ka deklaruar se Chiellini dhe Ramsey janë të gatshëm për ndeshjen e nesërme.

“Chiellini është gati të luajë, nuk ka probleme, është i ngarkuar dhe përfaqëson një vlerë të shtuar për ne. McKennie nuk është në 100% por ai stërvitet sot dhe mund të luajë nesër. Ramsey është mirë dhe nuk do të ketë ndonjë problem me kohën. De Ligt është i rëndësishëm por ne kemi edhe kampionë të tjerë në mbrojtje”, ka thënë Pirlo.Andrea Pirlo ka thënë se ka mësuar shumë nga Conte dhe ai është njeriu kryesor që e bëri të bëhej trajner.

“Kam mësuar shumë nga Conte, i jam mirënjohës, ai më mësoi kaq shumë gjëra dhe më bëri të dëshiroj të jem trajner, por nesër do të jemi kundërshtarë. Unë dhe Conte jemi dy personazhe të ndryshëm, mbase kjo është arsyeja pse gjithmonë kemi kaluar mirë. Ne folëm në fillim të sezonit, mbetet një vlerësim i madh. Ai vulosi një pjesë të historisë së Juventusit dhe më dha shumë”, ka treguar Pirlo.Ish-futbollisti i Milanit ka folur edhe për rezultatet e tij me Juventusin.

“Mendoj se një trajner duhet të konsiderohet për kompleksitetin e punës që bën çdo ditë, si dhe për rezultatet e ndeshjeve dhe gabimet që bëhen. Ndeshjet janë të vështira për t’u luajtur dhe interpretuar, veçanërisht kur luhen çdo tre ditë. Ne duhet të punojmë për detajet më të vogla, të cilat janë ato që bëjnë diferencën. Presioni mbi ne është normal, na përshtatet mirë, ne jemi Juventus dhe duhet të mësohemi. Përballë ekipeve të mëdha përqendrimi është gjithmonë në maksimum. Unë i kam parë djemtë shumë të etur, jam i qetë”, ka deklaruar Pirlo.Interi pozicionohet në vendin e dytë me 37 pikë, kurse Juventusi në vendin e katërt me 33 pikë me një ndeshje më pak.