Qendërmbrojtësi i Barcelonës, Gerard Pique ka thënë se ylli i Paris Saint-Germain, Neymar do të ishte i mirëpritur në Camp Nou.

32-vjeçari spanjoll zbuloi se si lojtarët u përpoqën të bindnin presidentin Josep Maria Bartomeu për të kryer marrëveshjen e transferimit të brazilianit.

Pique ka treguar se lojtarët e klubit katalunas ishin gati t’i sakrifikonin edhe pagat e tyre vetëm për rikthimin e Neymarit.

“Neymar kthehet te Barcelona ? Në futboll, gjithçka mund të ndodhë”, ka thënë fillimisht Pique për El Larguero.

“Ne tashmë i thamë atij: ju po shkoni në një burg të artë. Dyert janë të hapura për të [të kthehen]”.

“Ajo që ne i thamë presidentit ishte nëse mund t’i ndryshonim kontratat sepse e dinim që ekzistonte një çështje e Fair Play Financiar… kështu që i thamë atij, në vend që të fitonim diçka në vitin e parë, mund ta fitonim atë në vitin e dytë, tretë ose katërt”.

“Në fund të ditës ne duam të shkojmë së bashku me atë që po bën klubi dhe nëse mund ta ndihmojmë klubin, në këtë rast duke shmangur një problem të drejtë financiar, nuk kemi asnjë problem ta bëjmë atë”.

“Në vend që të ulim pagën, bëhej fjalë për të gjetur një formulë në mënyrë që nëse klubi dëshironte të nënshkruante me Neymarin, të mundnin ta bënin” shkruan telegrafi.

“Në atë kohën ata menduan se ishte një ide e mirë, por më pas problemet e tjera u rritën”, përfundoi mbrojtësi i Barcelonës.