Legjenda e Barcelonës, Rivaldo beson që Philippe Coutinho do të jetë zëvendësuesi i Lionel Messit në Camp Nou si ylli i tyre kryesor.

Coutinho është pesë vite më i ri se Messi dhe është prezantuar nga Barcelona dje (e hënë) pas finalizimit të transferimit të tij nga Liverpooli, transmeton portali arbresh.info.

Braziliani është bërë lojtari i dytë më i paguar në botë pas transferimit për 160 milionë euro te gjiganti katalunas. Barcelona ishte në ndjekje të Coutinhos që një vit por dështoi për të nënshkruar me të si zëvendësues të Neymarit gjatë verës.

Por, tani ata kanë arritur transferimin e tij dhe Rivalo thekson që Coutinho është pasardhësi natyral i superyllit Lionel Messi në klub.

“Ne të gjithë e dimë që Messi është ylli i madh”, ka thënë fillimisht Rivaldo. “Dhe ai ka ende tri ose katër vite në nivel të lartë”

“Pra, Coutinho do të ketë kohë për tu adaptuar dhe për të demonstruar vlerën e tij të vërtetë në hijen e tij. Është gjithmonë mirë për tu transferuar kur një skuadër është duke fituar dhe situata aktuale gjithashtu eliminon pjesën e presionit që Coutinho mund të ketë nëse skuadra nuk ishte duke funksionuar aq mirë”

“Të mos harrojmë se ai është bërë lojtari më i shtrenjtë në historinë e Barcelonës, e cila natyrisht ushtron presion në krahët e tij”

Messi së fundmi ka nënshkruar kontratë të re në Barcelonë duke vazhduar qëndrimin në klub deri në vitin 2021./arbresh.info/