Google ADS

Përmirësohet Rossi, regjistron kohë më të mirë në Jerez sesa javën e kaluar

23:05 | 24 Korrik 2020
Arditë Shkodra

Provat e kësaj fundjave në Jerez kanë shkuar më mirë për Valentino Rossin.

Javën e kaluar, në garën hapëse të sezonit, Vale Rossi nuk pati garën më të mirë të mundshme, madje ai u tërhoq.

Në provat e sotme, piloti italian ka bërë shumë më mirë sesa javën e kaluar, duke kapur kohë më të mirë.

Ai doli me kohën e tetë më të shpejtë këtë pasdite, me vetëm tre pilotë që ishin më mirë në provat e dyta, përcjell lajmi.net.

“Kam një ndjenjë të mirë sot sepse ne ndryshuam disa gjëra në motoçikletë, ndihem më rehat, mund të ngas më mirë”, ka thënë Rossi, transmeton lajmi.net.

“Isha më i shpejtë në garë. Duket se jemi më të fortë sesa javën e kaluar”, ka thënë tutje‘The Doctor’.

Rossi do të ketë nesër garat kualifikuese për të mësuar se nga cila pozitë do të niset të dielën.

Shpërndaje në rrjete sociale

Lajmet më të lexuara

Të ngjashme

Foto lajm