Përfundon pjesa e parë, Liverpool – Manchester United

18:25 | 24 Tetor 2021
KRG

Liverpool është duke e mposhtur bindshëm Manchester Unitedin, në kuadër të xhiros së nëntë në Premierligë.

“Reds” janë duke fituar me rezultat të thellë 0 – 4.

Pas vetëm pesë minutave lojë, Naby Keita shënoi pas një asistimi të bukur nga Mohamed Salah.

Ndërsa, nëntë minuta më vonë, nga një kundëraksion i shpejtë, Alexander-Arnold në mënyrë maestrale pasoi te Diogo Jota që lehtësisht dërgoi topin në rrjetë në minutën e 13-të.

Dy lojtarët që bashkëpunuan te goli i parë, arritën të përsërisin punën veçse këtë herë ndryshuan vendet, me Salah që shënoi dhe Keita asistoi në minutën e 38-të.

Krejtë në fund, egjiptiani doli sërish në skenë duke shënuar edhe golin e katërt pas një asistimi nga Jota në minutat shtesë.

Man United në këtë pjesë nuk kishte ndonjë rast të rrezikshëm, pos gjuajtjes së CR7 që u ndal nga Robertson.

Mbetet të shihet nëse do këtë ndonjë ndryshim në pjesën e dytë.

Shpërndaje në rrjete sociale

Lajmet më të lexuara

Të ngjashme

Foto lajm