Përfundon me barazim “drama” në “Villa Park”

20:35 | 15 Janar 2022
Lorik Gerbeshi

Ka përfunduar me barazim 2-2 ndeshja mes Aston Villas dhe Manchester United, e vlefshme për xhiron e 22-të të Premier League.

Goli i parë u shënua qysh në minutën e gjashtë nga Bruno Fernandes, pas një gabimi trashanik të Emiliano Martinez, e cila i kushtoi Aston Villas me disavatazh.

Goli i dytë pastaj erdhi në minutën e 67-të, kur Bruno Fernandes shënoi golin e dytë për skuadrën e tij dhe personal.

Por, kur u duk se “Djajtë e Kuq” vulosën fitoren, vendasit “u zgjuan nga gjumi” dhe arritën të rikthejnë rezultatin.

Fillimisht, për të ngushtuar epërsinë shënoi Jacob Ramsey në minutën e 77-të për 2-1.

Pastaj, edhe Philippe Coutinho shënoi në minutën e 82-të, për golin debutus me skuadrën e tij të re dhe për t’i siguruar një pikë.

Me këtë rezultat, të dyja skuadra nuk ndryshojnë pozitat në renditjen tabelare të Premier League, pasi Manchester United gjendet në vendin e shtatë me 32 pikë, ndërsa Aston Villa në vendin e 13-të me 23 pikë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm