Gjatë ditës së sotme ka përfunduar java e nëntë në Ligën e Parë të Kosovës, me kryendeshjen e kësaj xhiro në grupin A, mes Drenicës dhe Trepçës.

Drenicakët kanë fituar këtë sfidë me rezultat 3-2, shkruan Arbresh.info.

Teksa këtë fundjavë ka pasur edhe disa sfida mjaftë interesante në këtë grup, me Trepçën 89’ që triumfoi ndaj Vëllaznimit, minimalisht 0-1.

Rilindja 1974 me po të njëjtin rezultat mposhti Lirinë e Prizrenit kurse Besa Peja shënoi fitore 2-1 ndaj Mitrovicës.

E vetmja sfidë që përfundoi pa fitues në këtë grup ishte ajo mes Istogut dhe Rahovecit që përfundoi 1-1.

Pas nëntë ndeshjeve në këtë grup, Drenica kthehet në pozitën e parë me 21 pikë dy më shumë se Vëllaznimi që është i dyti dhe katër më shumë se Trepça që ndodhet në vendin e tretë.

Vendin e katërt dhe të pestë e ndajnë Trepça 89’ dhe Besa Peja me nga 15 pikë, kurse Rilindja 1974 është e gjashta me 12 sosh, një më pak ka Liria e cila gjendet një pozitë më poshtë.

Istogu zë pozitën e tetë me nëntë pikë, një vend më poshtë është Rahoveci me pesë sosh dhe Mitrovica është e fundit me një pikë më pak.

Xhiron e ardhshme takohen Istogu – Trepça 89, Vëllaznimi – Mitrovica, Besa Peja – Drenica, Trepça – Liria dhe Rilindja 1974 – Rahoveci.

Ndërkohë në grupin B ka vazhduar dominimi nga Prishtina e Re, që ka marrë fitore në derbi ndaj Dinamos së Ferizajt me rezultat 0-2.

Vushtrria ka dështuar të marrë tre pikët përkundër dominimit në Obiliq përballë KEK-ut duke luajtur baras 1-1.

Fitore në udhëtim kanë shënuar edhe Fushë Kosova që ka mposhtur Flamurtarin 1-2, derisa me të njëjtin rezultat ka triumfuar edhe Vjosa në udhëtim te Kika.

E derbi i kryeqytetit mes 2 Korrikut dhe Ramiz Sadikut i takoi mysafirëve me rezultat të thellë 0-3.

Pas nëntë xhirosh prinë, Prishtina e Re me 24 pikë, Dinamo dhe Vushtria ndajnë vendin dy dhe tre me nga 17 sosh.

Në vendin e katërt dhe të pestë ndodhen KEK-u, respektivisht Vjosa me nga 15 pikë, me një pikë më pak është Ramiz Sadiku në vendin e gjashtë.

2 Korriku dhe Fushë Kosova kanë nga tetë pikë dhe ndodhen në pozitat shtatë dhe tetë, e nënta është Kika me gjashtë sosh kurse tabelën e mbyll Flamurtari me tri pikë të vetme.

Xhiron e ardhshme përballen Flamurtari – Vjosa, 2 Korriku – Prishtina e Re, Vushtrria – Ramiz Sadiku, Kika – KEK-u dhe Dinamo – Fushë Kosova./Arbresh.info