Pas eliminimit që ia shkaktoi në Kupë të Mbretit në mesjavë, Barcelona i ka dhënë fund gjithashtu shpresave të Real Madridit për titull këtë sezon.
Gjiganti katalunas ka fituar me rezultat minimal 0 me 1 takimin e sotëm në Bernabeu duke përmbysur gjithashtu ‘Los Blancos’ me fitore në përgjithësi (96) për herë të parë në histori të tyre pas 87 viteve, shkruan portali arbresh.info.
Goli i vetëm i ndeshjes u shënua nga mesfushori kroat Ivan Rakitic derisa po zhvillohej minuta e 26′ e ndeshjes. Finalisti i Kampionatit Botëror të vitit të kaluar në formë të shkëlqyer finalizoi topin në rrjetën e portierit Thibaut Courtois duke e parabolluar belgun.
Kampioni i Evropës rrezikoi portën e portierit Ter Stegen në disa raste me anë të sulmuesit të talentuar Vinicius Jr, por braziliani nuk konkretizoi goditjet e tij.
Mysafirët dominuam me posedim të topit gjatë tërë ndeshjes si dhe me numër të goditjeve drejtë portës së Courtoisit, i cili u kërcënua në disa raste treshja frontale e Ernesto Valverdes.
Me këtë fitore, Barcelona përforcon kreun dhe tani ka 12 pikë më shumë se Real Madridi në pozitën e tretë dhe 10 më shumë se Atletico si rivali më i afërt./arbresh.info/
Tashmë ekziston plani se si mund të shkarkohet Erik ten Hag ...
Zjarr në një hotel në Gjermani, 11 persona përfundojnë në sp...
Vazhdojnë kërkimet për të zhdukurit nga vërshimet në Bosnje
“Mbi 200 persona brenda ditës po përdorin biçikletat e kryeq...
KRU “Prishtina” shpërndan ujë të pijshëm përmes autoboteve p...
Uji depërton në Klinikën e Pediatrisë, pacientët detyrohen t...