Peja tregon forcën përpara ndeshjeve të “Play-off-it”

23:26 | 1 Prill 2023
Orgesa Haziri

Peja ka mposhtur edhe Rahovecin me rezultat bindës 68:103, në javën e 28-të të Prince Caffe Superligës.

Çereku i parë ishte më i barabartë dhe përfundoi 14:18.

Pejanët treguan formën e tyre të mirë në dy çerekët në vazhdim, ndërsa në dhjetë minutat e fundiy menaxhuan epërsinë, për të mos e rrezikuar fitoren dhe për të triumfuar bindshëm 68:103.

Më të mirët te vendasit ishin Jack Pagenkopf me 16 pikë e shtatë asistime dhe Gary Blackston me 18 pikë e shtatë kërcime, ndërsa te mysafirët pesë basketbollistë shënuan pikë dyshifrore duke dhënë kontributin e tyre në këtë fitore: Thomas 16, Arti Hajdari e Alban Veseli nga 15, Tate 14 dhe Joseph 12.

Rahoveci i mbylli garat e rregullta në vendin e tetë me katër fitore e 24 humbje, ndërsa Peja siguroi gjysmëfinalen e “Play-off”-it me 21 fitore e shtatë humbje.

Shpërndaje në rrjete sociale

Lajmet më të lexuara

Të ngjashme

Foto lajm