Peja ka shënuar fitore ndaj Prizrenit 16 me rezultat 97:60 (22:8, 26:20, 31:18, 18:14), në xhiron e pestë të Ligës Unike.
Vendasit ishin më të mirë nga fillimi deri në fund për të shënuar fitore të merituarit. Verdhezinjtë hynë në një seri 12:2 dhe vazhdimisht ishin në epërsi, duke e fituar çerekun e parë me rezultat 22:8. Pejanët nuk u ndalën as në periudhën e dytë, duke e thelluar edhe më shumë epërsinë, ndërsa në pushim shkuan me 20 pikë dallim, 48:28.
Peja nuk u ndal as në pjesën e dytë, përkatësisht periodën e tretë, duke shtuar epërsinë minutë pas minute, ndërsa rezultati në semafor pas 30 minutash ishte 79:46. Dhjetë minutat e fundit ishin formal dhe Peja triumfoi me rezultat bindës 97:60.
Te Peja u dalluan Dardan Berisha me 24 pikë e dhjetë asistime, Ilter Irdem me 14 pikë e dhjetë asistime, Stephen Maxwell me 18 pikë e shtatë kërcime dhe Tryone White me 21 pikë e tetë kërcime, ndërsa te Prizreni 16 u dalluan Urim Zenelaj me gjashtë pikë e 15 kërcime dhe Arti Hajdari me 13 pikë e gjashtë kërcime.
Tashmë të dy skuadrat kanë nga tri fitore dhe dy humbje. /arbresh.info/
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban