Pedri refuzon PSG: Dua të qëndroj te Barcelona, qëllimi është të bëhem kapiten

15:35 | 2 Gusht 2023
KRG

Pedri i premton besnikëri Barcelonës dhe nuk do të largohet në drejtim të PSG-së.

Mesfushori spanjoll ishte objektivi kryesor i parisienëve për mesfushën, por që ai i ka mbyllur derën Luis Enriques dhe kampionëve në fuqi të Francës.

Pas ndeshjes miqësore që Barcelona e fitoi 1-0 me Milanin, Pedri ka folur për të ardhmen e tij.

20-vjeçari ka thënë se dëshiron të mbetet te Barcelona dhe se qëllimi i tij është që një ditë të bëhet kapiten i gjigantit katalunas.

“Do të duheshin shumë gjëra për të më larguar nga Barça. Thashethemet nuk më interesojnë, unë dua Barçën”, u shpreh Pedri.

“Do të qëndroj këtu për shumë vite të tjera, në klubin tim të ëndrrave. Qëllimi im është të bëhem kapiten dhe të luaj në Spotify Camp Nou të ri”, përfundoi mesfushori i talentuar spanjoll.

Pedri iu bashkua Barcelonës në vitin 2019 nga Las Palmas, derisa ka kontratë me katalunasit deri në verën e vitit 2026. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm