Patrice Evra i bashkohet falas West Hamit?

19:36 | 6 Shkurt 2018
Arbresh Info

Sipas raporteve, West Hami është i vendosur për të nënshkruar me mbrojtësin Patrice Evra pasi lojtari është parë në kampin stërvitor të klubit.

Ish ylli i Manchester United aktualisht është duke iu nënshtruar dënimit nga UEFA për shkak të goditjes në stilin karate ndaj një tifozi, transmeton portali arbresh.info. Por, 36-vjeçari mund të luaj në Premierë Ligë.

Ish mbrojtësi i krahut të majtë të Francës, i cili u largua nga Marseille me pëlqim të ndërsjellët, është i dënuar nga UEFA dhe nuk mund të luaj deri në qershor për shkak të goditjes ndaj një tifozi.

Ai është gjobitur gjithashtu me 8.829 funta për shkak të këtij incidenti tronditës që ndodhi para ndeshjes në Evropa Ligë kundër Vitoria Guimaraes më 2 nëntor.

Evra ka luajtur në të kaluarën nën udhëheqjen e trajnerit të “Hammers”, David Moyes, kur skocezi ishte trajner i Manchester United./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm