Pas paraqitjes fenomenale ndaj ekipit çek, Zhegrova vlerësohet nga Ligue 1

10:53 | 21 Gusht 2024
D.H

Edon Zhegrova po vazhdon një tjetër sezon fantastik me skuadrën e Lillet.

Ylli dardan po del të jetë vendimtar për skuadrën e tij në në kualifikimet për Champions League, shkruan Arbresh.info.

Natën e mbrëmshme, Zhegrova ka realizuar golin e dytë në fitoren 2-0 të Lille ndaj skuadrës së Slavia Prague, në ndeshjen e parë të Play-offit për inkuadrim në Champions League.

Pas performancës fantastike, për anësorin dardan faqja zyrtare e Ligue 1 përmes një postimi në platformën x-(ish Twitter), vlerësoi futbollistin e Lille.

Në postimin për Zhegrovën shkruhet se ai po vazhdon të jetë i mrekullueshëm.

“Sezoni i ri dhe Edon Zhegrova vazhdon të jetë i mrekullueshëm”, shkruhet në faqen zyrtare të Ligue 1.

Zhegrova në tri ndeshjet e para të kualifikimeve për Champions League ka realizuar dy gola, teksa në Ligue 1 nuk ka luajtur ende pasi ka qenë i suspenduar për ndeshjen hapëse të sezonit./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm