Xhudistet e Kosovës, Fatjona Kasapi dhe Erza Muminoviq, kanë fituar medalje në Kupën Evropiane U21, që këto dy ditë u zhvillua në Athinë të Greqisë.
Fatjona fitoi medaljen e artë në kategorinë deri në 57 kilogramë, ndërsa Erza të bronztën në kategorinë deri në 52 kilogramë.
Lidhur me këtë sukses është deklaruar edhe trajneri i xhudos, Driton Kuka.
Trajneri pejan mes tjerash tha se tashmë është bërë traditë që në shtetet që nuk e njohin Kosovën, xhudistët tanë t’i njoftojnë me realitetin.
Postimi i plotë nga Kuka:
“Kupa Evropiane U21 Athinë Greqi!
Dy medalje për Kosoven
Traditë është ba që shtetet që ende sna njohin,shkojnē xhudistat dhe i njoftojnë me realitetin.
Fatjona e artë sot ishte në krye të detyres në kategoinë 57 kg.
Mposhti me radhë garueset nga Izraeli,Polonia,Franca e në finale garuesen turke.
Qasja e saj serioze ka filluar të jap frytet dhe sukseset.
Erza sot fitoj medaljen e bronztë dhe performansa e saj nuk sihte ajo që realisht e ka dëshiruar marr parasysh që ishte favorit për medalje të artë.
Në Athinë përshtypje të mirë lan edhe Lorisi e Riosi që arritën të tregojnë që po vjen koha e tyre.
Arritën të shënojnë fitore dhe me pak më shumë taktikë do hynin në zonën e medaljeve.
Dardani fitoj dy luftëra dhe realisht kishte potencial për medalje por diçka me përqendrimin e tij gjatë luftës sishte si duhet.
Debora humbi dhe realisht ka potencial por shumë gjëra duhet ti përmirësoj,e poashtu të përkushohet seriozisht sepse ska kohë ma për qasje gjysmake”.
Mickoski: Kushdo që hap një temë për çështje identitare nuk ...
Begaj pret ministrin Sikorskin: Vazhdim i mbështetjes për in...
Interi konfirmon lëndimin e Barellas – zbulohet se sa do të ...
Bislimi: Synojmë që të digjitalizojmë mbi 100 shërbime të re...
Trupat britanike mund të vendosen në Ukrainë për të trajnuar...
Sarës dhe Drilonit i vjen një dron, ata përqafohen