Google ADS

Parisi fiton në Londër ndaj Arsenalit, një hap larg finales së dytë në histori

22:54 | 29 Prill 2025
D.H

Parisi arriti të shënoi një fitore të madhe në Londër ndaj Arsenalit me rezultat minimal 1-0 në kuadër të gjysmëfinales së parë në Ligën e Kampionëve.

Parisienët e nisën vrullshëm takimin duke shënuar pas katër minutave me anë të Dembeles, pas një asistimi nga Khvicha Kvaratskhelia, shkruan Arbresh.info.

Sulmet e francezëve nuk u ndalën dhe ata rrezikuan sërish përmes Khvichas por Raya ishte në vend. Parisi kërkoi një penallti pas një ndërhyrje në gjeorgjianin, por ashtu nuk mendoi gjyqtari i ndeshjes.

Portieri spanjoll, Raya shpëtoi edhe njëherë Arsenalin pas një goditje të fort të Doues.

Ndërkohë, “Topçinjtë”, sulmet i kishin ruajtur për 10 minutat e fundit të pjesës së parë ku rrezikuan përmes Sakas e Martinellit.

Braziliani lëshoi një rast të artë në fundin e pjesës së parë, ku Donnarumma bëri një pritje magjike.

Vendasit e nisën fuqishëm pjesën e dytë duke shënuar në minutën e 47-të me anë të Merinos. Por pas rishikimit me VAR për rreth tre minuta, goli u anulua.

Trossard pati një tjetër mundësi të artë për të realizuar në minutën e 56-të por ishte Donnarumma, hero i Parisit edhe njëherë tjetër duke bërë një pritje të madhe.

Më pas vijuan sulmet me radhë të Parisit, ku fillimisht Khvicha pati një mundësi të mirë por goditja e tij shkoi mbi portë.

Rast të qind për qind, pati i inkuadruari në lojë Barcola, pasi u gjend i vetëm para portierit por goditja e tij shkoi pranë portës.

Pesë minuta para përfundimit të takimit, Parisi goditi shtyllën me anë të Goncalo Ramosit.

Deri në fund nuk pati ndonjë rast tjetër të mirë dhe Parisi arriti një fitore të madhe ku tashmë është vetëm një hap larg finales së dytë në histori të klubit.

Ndeshja e dytë gjysmëfinale mes këtyre dy skuadrave luhet javën e ardhshme në “Parkun e Princave”./Arbresh.info

 

 

 

 

Shpërndaje në rrjete sociale

Lajmet më të lexuara

Të ngjashme

Foto lajm

sq sq