Sipas Alvaro Odriozolas, që u transferua së fundmi te Real Madridi, kampioni i Evropës do të nënshkruaj së shpejti me zëvendësuesin e Cristiano Ronaldos.

Superylli portugez u largua nga Real Madridi dhe ky ishte transferimi më i madh i realizuar në verën e këtij viti, transmeton portali arbresh.info. Juventusi siguroi shërbimet e 33-vjeçarit pas raporteve të shfaqura që lojtari ka probleme me presidentin në Bernabeu.

Largimi i tij ka lënë një hapësirë të madhe në njëmbëdhetshen startuese te Real Madridi, ndërkohë që Vinicius Jr ka mbetur si opsioni i vetëm për të mbushur këtë hapësirë. Por, braziliani është vetëm 18 vjeçar tani dhe duket larg nga të qenurit një futbollist i kompletuar.

Megjithatë, djaloshi i ri në klub, Odriozola, thekson se drejtori Florentino Perez ka përgatitur diçka para se të mbyllet merkato e transferimeve, transmeton portali arbresh.info.

“Ne jemi të përgatitur për një sezon me shumë sfida, ne duam të luftojmë për të gjithë titujt dhe ky është një test i mirë”, ka thënë Odriozola.

“Fillova ta shikoj skuadrën dhe e mbaj mend që kjo skuadër ka fituar Ligën e Kampionëve dy muaj më parë”

“Për mua, ky është klubi më i mirë në botë. Por, jam i sigurt që ne do të zëvendësojmë Cristianon”

Në listën për të zëvendësuar fituesin e pesëfishtë të Topit të Artë janë emra të mëdhenj si Eden Hazard, Kylian Mbappe, Neymar dhe Harry Kane./arbresh.info/