Pamjet e reagimit të familjes së 17-vjeçarit Alejandro Garnacho në debutimin e tij me Man Utd janë vërtetë emocionuese

11:11 | 29 Prill 2022
Lorik Gerbeshi

Alejandro Garnacho debutoi me Manchester Unitedin në fundin e ndeshjes të së enjtes në Ligën Premier kundër Chelseat – dhe familja e tij u pa e emocionuar në shkallët e Old Trafford, kur 17-vjeçari zëvendësoi Anthony Elangan.

Ka qenë një vit për t’u mbajtur mend për 17-vjeçarin e talentuar. Muajin e kaluar, ai luajti një rol të madh në ndihmën  e Manchester Unitedit për të arritur një finale historike të FA Youth Cup pasi shënoi në një fitore 3-0 kundër Wolves.

Sulmuesi shumë i vlerësuar, i cili u nënshkrua nga skuadra spanjolle, Atletico Madrid në verën e vitit 2020, më pas pati një thirrje surprizë në skuadrën prej 44 lojtarësh të Argjentinës përpara ndeshjeve kualifikuese të Kupës së Botës kundër Venezuelës dhe Ekuadorit.

 

View this post on Instagram

 

A post shared by Alejandro Garnacho (@garnacho7)

Ai stërviti me Lionel Messin dhe madje pozoi për një foto përkrah shtatë herë fituesit të Topit të Artë pas një seance stërvitore.

Garnacho, i cili ka të drejtë të luajë për La Albiceleste përmes nënës së tij, më pas u kthye në Old Trafford dhe u fut në stërvitjen e ekipit të parë së bashku me Cristiano Ronaldon.

Ka qenë një udhëtim i stuhishëm për të riun dhe të enjten mbrëma, në barazimin 1-1 të klubit kundër Chelsea, ai më në fund mori debutimin e tij të shumëpritur në ekipin e parë për Unitedit.

Në minutën e 90-të, Garnacho hyri në loje dhe pas inkuadrimit, familja e tij mbështetëse u ngrit në këmbë dhe duartrokiti momentin në një skenë emocionuese. Babai i tij nuk mundi t’i mbante lotët ndërsa spikeri i stadiumit thirri emrin e Alejandros.

Sipas gazetarit Simon Peach, kapiteni i Djajve të Kuq, Harry Maguire, i cili aktualisht është jashtë për shkak të dëmtimit, shkoi drejtpërdrejt te familja e Garnacho në vërshëllimën e fundit për t’i uruar ata .

Richard Arnold, nënkryetari ekzekutiv i Unitedit, gjithashtu shkoi te familja.

Shpërndaje në rrjete sociale

Lajmet më të lexuara

Të ngjashme

Foto lajm