Paco Alcacer nxirret në shitje nga Dortmundi

10:18 | 4 Janar 2020
Arbresh.info

Borussia Dortmund është duke kërkuar një blerës për sulmuesin e saj Paco Alcacer.

Sulmuesi spanjoll po vuan nga lëndimet e shpeshta dhe Dortmund është lodhur nga kjo situatë, me lojtarin që më shumë qëndron në infermieri se sa në fushë.

Ditë më parë verdhezinjtë kanë arritur ta transferojnë talentin norvegjez Erling Haaland që shihet si titullar.

E tani mediat gjermane kanë raportuar se Dortmund e ka nxjerr në shitje sulmuesin spanjoll Paco Alcacer.

Madje nënkampioni gjerman i ka caktuar edhe çmimin e largimit që është 40 milionë euro.

Paris Saint Germain është interesuar për sulmuesin, pasi e shohin si zëvendësues të Edinson Cavanit.

Ndërkohë interesim për të kanë shprehur edhe skuadrat angleze si West Ham United dhe Aston Villa. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm