Zvicër-Serbi në Kupën e Botës këtë verë bëri xhiron e botës, për faktin se Xherdan Shaqiri e Granit Xhaka festuan duke bërë simbolin e shqiponjës, çka tërboi serbët.
Zhurma mediatike zgjati pa fund dhe pati edhe gjoba nga FIFA për gjestin e dy shqiptarëve të Zvicrës, të cilët gjatë ndeshjes dhe pas saj u përballën me ofendime pa fund nga tifozët serbë në stadium, pa harruar rrjetet sociale.
Në Champions League shorti, për ironi të fatit, e ka vënë përballë Shaqirin me Crvena Zvezda-n, duke bërë që këto sfida të përfundojnë në qendër të vëmendjes vetëm për përballjen Shaqiri-Serbi.
Në Serbi pretendojnë e Shaqiri nuk do të shkojë në Beograd, për të evituar problemet, por vetë mesfushori ka deklaruar se nuk i shkon ndërmend të mos luajë në Beograd, nëse Klopp ia kërkon.
Që në ndeshjen e vajtjes, mes Liverpool e Crvena Zvezda, Shaqiri duroi ofendimet e ardhura nga njëra tribunë, me tifozë serbë që e shanin në shqip nga nëna (video nga portali kroat dnevno.hr). Për fat, Shaqiri nuk reagoi, sepse nëse i kërcenin nervat mund të shkonte te shkallët e stadiumit për të larë hesapet, aq më shumë që në Anfield, si në gjithë stadiumet angleze, shkallët janë afër fushës dhe nuk ka ndonjë rrethim.
https://twitter.com/drustvenidrug/status/1055786283656773632?ref_src=twsrc%5Etfw%7Ctwcamp%5Etweetembed%7Ctwterm%5E1055786283656773632&ref_url=http%3A%2F%2Ftelesport.al%2Fvideo-ofendime-ndaj-shaqirit-serbet-vazhduan-shfaqjen-edhe-ne-anfield%2F
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...