Trajneri i Atletico Madridit, Diego Simeone ka thënë se “nuk ka startegji” që mund të shfrytëzoni për të ndalur yllin e Barcelonës, Lionel Messin.

Por, Simeone përmendi gjithashtu që sulmuesit e tij në formë Antoine Grezimann dhe Diego Costa mund të shkëlqejnë gjithashtu në ndeshjen e së dielës në Camp Nou kundër liderit në La Liga, transmeton portali arbresh.info.

“Messi është në formë të jashtëzakonshme”, ka thënë fillimisht Simeone në konferencën për shtyp para ndeshjes.

“Nuk ka ndonjë strategji që mund të kontrolloj diçka që është e pamundur. Shumë gjëra mund të ndodhin brenda një ndeshje. Ne duhet të sjellim lojën aty ku ne besojmë se mund t’i dëmtojmë ata”

I pyetur nëse skuadra e tij është tani një kandidat serioz për titull, Simeone theksoi se pak skuadra kanë arritur të përfundojnë para Barcelonës dhe Real Madridit në vitet e fundit, megjithëse skuadra e tij arriti të fitoj titullin në sezonin 2013/14.

“Nuk është e pamundur për të fituar La Ligan, megjithëse në 14 vitet e fundit vetëm Villarreali ka qenë në vend të dytë dhe ne e kemi fituar atë”, ka thënë ai.

“Nuk është e pamundur, ashtu siç e kemi bërë ne, por është shumë e vështirë. Ne duam të arrijmë pesë ndeshjet e fundit të sezonit me një shans. Nëse ne mund ta bëjmë këtë, ne do të kemi mundësitë tona”

/arbresh.info/