Nuk ka ofertë zyrtare nga Juve për Alvaro Moratan

23:32 | 8 Maj 2018
Arbresh Info

Juventusi nuk ka shtruar ofertë për sulmuesin e Chelseas, Alvaro Moratan.

Raportet në Itali pretenduan më herët se Juventusi ka shtruar një ofertë të jashtëzakonshme për të siguruar nënshkrimin me të fillimisht në formë huazimi për tri vite para blerjes së obligueshme prej 55.8 milionë funta, transmeton portali arbresh.info.

Megjithatë, ‘Goal’ raporton që gjiganti italian nuk ka shtruar ofertë zyrtare, por mund të rishqyrtoj situatën kur të ardhmet e Massimiliano Allegrit dhe Antoine Contes të zgjidhen.

Përveç kësaj, Chelsea nuk lejon largimin e Moratas për një shumë më të vogël se ajo prej 60 milionë funta me të cilën nënshkruan me të gjatë vitit të kaluar.

Morata ka realizuar 11 gola brenda 29 ndeshjeve në Premierë Ligë këtë sezon te “Blutë”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm