Google ADS

“Nuk ka favoritë në gjysmëfinale” – insiston Zidane

11:27 | 25 Prill 2018
Arbresh Info

Trajneri i Real Madridit, Zinedine Zidane insiston se “nuk ka favorit” para gjysmëfinales së skuadrës së tij në Ligë të Kampionëve kundër Bayern Munichut.

Dy gjigantët do të përballen kokë me kokë në Allianz Arena mbrëmjen e sotme (e mërkurë), por francezi insiston se shorti ishte ndërmjet dy skuadrave mirë të balancuara, transmeton portali arbresh.info.

“Nuk mendoj se këtu ka ndonjë favoritë”, ka thënë Zidane në konferencën për shtyp.

“Është një gjysmëfinale, është komplet ndryshe nga sezoni i kaluar [kur Madridi mposhti Bayernin në çerekfinale]. Është një ndeshje ndryshe”

“Ne jemi në gjysmëfinale dhe ne dëshirojmë të luajmë një lojë të mirë. Ne jemi të përgatitur për atë duke e ditur që do të jetë e vështirë”

“Ne kemi nevojë për një performancë të madhe kundër një skuadre të fortë. Bayerni është një klub i mrekullueshëm me një shpirt të mrekullueshëm të skuadre”

Takimi zhvillohet duke filluar nga ora 20:45./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm