Google ADS

Nuk iu dhanë tre pikë në tavolinë, Batatina kërcënon FFK-në se do t’ia ndalë grumbullimin e futbollistëve

18:15 | 21 Mars 2024
D.H

I zhgënjyer nga Federata e futbollit të Kosovës që dy herë ia refuzoi kërkesën duke mos i dhënë fitore në tavolinë kundër Malishevës, Tahir Batatina po mendon që t’ia kthej me të njëjtën monedhë FFK-së.

Trajneri i Llapit, Tahir Batatina ka thënë që Llapi do ta shfrytëzoj mundësinë për tua ndaluar futbollistëve të vet pjesëmarrjen e tyre në cdo reprezentacion të FFK-së.

“Do t’i ndal të gjithë lojtarët e Llapit, nuk do t’i lë më në asnjë reprezentacion sepse ky është diskriminim ndaj një skuadre me organizim gjigant. Kënd po e pengon Llapi, do ta shohim nga tash e tutje’’, deklaroi për Express Batatina.

Për më tepër, Batatina ka paralajmërua për Express se Llapi do ta tërheq ekipin edhe nga Liga U21.

“Llapi nuk do të marrë më pjesë në gara me ekipin U-21 sepse kjo është padrejtësia e radhës dhe nuk kemi nevojë të shpenzojmë kot kur nuk përfillen rregullat, aktet normative”, vazhdoi ai.

Malisheva e mposhti Llapin në fushë me rezultat 2-1.

Shpërndaje në rrjete sociale

Lajmet më të lexuara

Të ngjashme

Foto lajm