Sezoni i Chelseat vazhdon të jetë kaotik. Skuadra londineze, edhe pse është përforcuar ndjeshëm në merkaton verore, momentalisht renditet në vendin e 11-të në Premier League.
Emmanuel Petit, fitues i Kupës së Botës dhe Europianit me Francën, i cili veshi fanellën e “Bluve të Londrës” për tri sezone, mendon se koha e Mauricio Pochettinos ka përfunduar.
“U zhgënjeva shumë nga performanca e Chelseat në humbjen 2-4 përballë Wolvesit. Lojtarët dukeshin shumë të çorganizuar, të hutuar taktikisht, pa shpirt luftarak, pa komunikim me njëri-tjetrin dhe pa karakter.
Më vjen shumë keq për tifozët. Pochettino po refuzon të përshtatet me karakteristikat e lojtarëve të tij. Ai nuk po di çfarë të bëjë. Gjuha e tij e trupit është shqetësuese, duket sikur ka dhënë dorëheqjen”.
Ish-mesfushori i ka idetë e qarta në lidhjes me pasuesin e tij. “Kam dëgjuar se mund të rikthehet Jose Mourinho, me John Terryn si ndihmës. Është shumë interesante dhe intriguese.
Mourinho do t’i sillte ekipit karakter dhe personalitet. Në këtë moment grupi i lojtarëve është i copëtuar, portugezi është i vetmi që mund të rregullonte problemet e Chelseat.
Skuadra ka nevojë për identitet, jo për përforcime të tjera. Duhet një trajner që do i përmirësonte futbollistët. Chelsea aktual nuk ka fare identitet”.
Irani prezanton raketë dhe dron të ri mes tensioneve në rrit...
Drita konfirmon lëndimet e rënda të dy lojtarëve, humbin gat...
“Nuk ka gjë më të vështirë sesa të jetosh si refugjat në qyt...
Kosova aderon në Konventën e Stambollit në Organizatën Botër...
Zelensky: SHBA-ja dhe Britania s’lejojnë përdorimin e raketa...
Osmani ndan tjera fotografi nga pritja në West Point: Falemi...