Norwich shënon dy herë në dy minuta për të rritur edhe më shumë presionin ndaj Benitez

16:39 | 15 Janar 2022
Lorik Gerbeshi

30 nëntori kundër Newcastle United ishte hera e fundit që Norwich City kishte shënuar në një ndeshje të Premier League.

Por atyre iu deshën vetëm 18 minuta për të shënuar dy herë kundër Evertonit të shtunën pasdite.

Michael Keane e ktheu harkimin e Josh Sargent në rrjetën e tij në minutën e 16-të përpara se Adam Idah të dyfishonte atë avatazh dy minuta më vonë.

Kanarinat duken sikur janë në rrugën e tyre për t’I dhënë një shtysë të madhe shpresave të tyre të mbijetesës në Premier League, ndërsa rrisin presionin ndaj trajnerit të Evertonit, Rafael Benitez.

Everton hyri në lojë në “Carrow Road” tetë pikë përpara zonës së rënies pas një serie prej vetëm një fitoreje në 11 ndeshjet e fundit.

Ata kanë një betejë të vështirë për të kthyer lojën sot./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm