Kompania e veturave luksoze u themelua në vitin 1926 nga katër persona – Karl Benz, Gottlieb Daimler, Wilhelm Maybach dhe Emil Jellinek.
Mercedes u krijua pasi Emil Jellinek u frymëzua nga emri i vajzës së tij.
Kompania më pas vazhdoi të bëhej një nga markat më të famshme në të gjithë globin – por kjo nuk do të thotë që të gjithë kanë zotëruar shqiptimin e saktë të emrit të saj, përcjell Telegrafi.
Në një studim të fundit, britanikëve iu kërkua të shqiptonin saktë emrat e 30 prodhuesve më të njohur të veturave, si dhe t’i dallonin logot e tyre.
Mercedes u zbulua të jetë ndër markat më të vështira për t’u shqiptuar me vetëm 20% të britanikëve që përdorin një shqiptim autentik, ndërsa shumica iu referuan si “Mer-say-deez”.
Testi pranoi si shqiptimin spanjoll “Mer-th-eh-des Benz”, si dhe shqiptimin më të zakonshëm gjerman, “Mer-say-dez Benz”, si të sakta.
Por shumë njerëz nuk mund të bien dakord për shqiptimin e saktë të markës legjendare, me një person që i drejtohet Reddit për udhëzime.
“Më ndihmoni. Unë them Merseedays. Nuk e di ku e kam dëgjuar. Komentatorët e F1 thonë Mersaydees në TV. A ka dikush ndonjë regjistrim të shqiptimit të mëparshëm?”, tha ai.
Një person u përgjigj: “Mair-they-dayth”, ndërsa një tjetër tha “Mur – Say – Deez” dhe një i tretë tha se “Mënyra e saktë gjermane për ta shqiptuar atë është Mertz-saydez”.
Llogaria popullore Historic Vids ndau një video që diskutonte krijimin e emrit të markës legjendare dhe thjesht shkroi: “CEO i Mercedes-Benz, Ola Källenius tregon se si lindi emri “Mercedes”.
Në pamje u konfirmua historia e dëshirës së Jellinek për të nderuar emrin e vajzës së tij.
Ndryshe, logo e kompanisë dëshmon se, pavarësisht nga ndonjë konfuzion në mënyrën e saktë të shqiptimit të emrit, marka ende krenohet me njohje mbresëlënëse.
Skip to content
