Nicolas Pepe siguron një vend në formacionin e javës në Evropa Ligë

16:16 | 25 Tetor 2019
Arbresh Info

Nicolas Pepe nuk është që ka pasur një periudhë të mirë qysh pas transferimit te Arsenali verën e kaluar për një numër të madh të hollash.

Ish lojtari i Lilles dukej se kishte problem të adaptohet në futbollin anglez dhe ka bërë disa paraqitje jo aq të mira deri tani, transmeton portali arbresh.info.

Megjithatë, Pepe ishte shpëtimtari i Arsenalit mbrëmjen e së enjtes.

“Topçinjtë” ishin në disavantazh për 2 me 1 ndaj Vitoria SC në Emirates derisa kishin mbetur edhe 10 minuta për tu zhvilluar.

Por, Pepe u inkuadrua nga bankina dhe realizoi dy supergola nga gjuajtjet e lira për të shpëtuar Arsenalin nga një tjetër disfatë tronditëse.

Pas paraqitjes së shkëlqyer si një zëvendësues të enjten, Pepe i ka siguruar vetën një vend në formacionin e javës në Evropa Ligë.

Duke marrë parasysh se Pepe luajti për vetëm 15 minuta të enjten, anësori besohet të jetë startues në ndeshjen e së dielës.

Skuadra e Unai Emery do të luaj në shtëpi ndaj Crystal Palaces ndeshjen e tyre të tretë brenda më pak se një jave./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm