Florentino Perez ka nxitur thashetheme në lidhje me transferimin e Neymarit në Real Madrid duke pretenduar se braziliani do të kishte më shumë shanse për të fituar Topin e Artë në Santiago Bernabeu sesa në Paris Saint Germain.

Cristiano Ronaldo mori çmimin prestigjioz Topi i Artë për të pestën herë të enjten duke mposhtur Lionel Messin që ishte në vendin e dytë dhe Neymarin që ishte i treti, transmeton portali arbresh.info. Ishte hera e dytë, pas vitit 2015, që Neymar përfundoi në vendin e tretë pas dyshes, megjithëse Ronaldo dhe Messi ende vlerësohen të jenë shumë para tij.

Transferimi i tij për 222 milionë euro nga Barcelona në Paris Saint Germain thuhet se është finalizuar me qëllimin për të rritur shanset e tij për të fituar Topin e Artë në të ardhmen.

Por, presidenti i Madridit, Perez mendon që Neymar do të kishte më shumë fat në Bernabeu.

“Të qenurit në Madrid do ta bënte më të lehtë fitoren e Topit të Artë”, citohet të ketë thënë Perez për ‘Marca’.

“Real Madridi është një klub që iu jep gjithçka që ju keni nevojë si një lojtar i madh, të gjithë tashmë e dinë që unë kam dashur të nënshkruajë me të në një pikë”

Real Madridi aktualisht qëndron në pozitën e katërt në tabelë me 28 pikë, tetë më pak se Barcelona si lidere e klubit./arbresh.info/