Sipas raporteve në Spanjë, Neymar ka pyetur Lionel Messin dhe Luis Suarezin nëse ata mund të pranojnë sërish atë në Barcelonë.

Muajin e kaluar, braziliani bëri një rikthim befasues në pjesën e stërvitjeve të Barcelonës për tu takuar me dy ish bashkëlojtarët e tij, transmeton portali arbresh.info. Dhe tani ‘Sport’ pretendon që në një bisedë me Messin dhe Suarezin, Neymar thuhet se ka pyetur dyshen: A do të pranoni rikthimin tim?

Gazeta katalunase pretendon që pyetja e Neymarit ishte përzier me një “buzëqeshje ironike për të fshehur qëllimin e tij të vërtetë” dhe se asnjëherë nuk do të pranoj plotësisht se është i pakënaqur me largimin nga Barcelona.

Así eran nuestros dias, yo contando las noticias 🤣😂 Messi @LuisSuarez9 me alegro verlos hermanos pic.twitter.com/QiXphRKGyh

— Neymar Jr (@neymarjr) October 29, 2017

Por, raportet pretendojnë gjithashtu që Neymar është i pakënaqur në Paris Saint Germain pas transferimit të tij për një tarifë rekorde gjatë verës.

25-vjeçari thuhet se është i dëshpëruar nga mungesa e kualitetit në Liga 1 derisa nuk kanë munguar as incidentet në raportin e tij me trajnerin e PSG-së, Unai Emery.

Neymar ka shënuar 11 gola brenda 12 ndeshjeve te Paris Saint Germaini, por mungoi në fitoren e vikendit të kaluar ndaj Angers për shkak të lëndimit.

Sidoqoftë, sulmuesi dukej se ishte plotësisht në rregull në stërvitje te skuadra e Brazilit të martën./arbresh.info/