Njëri nga emrat më të mëdhenj në botën e futbollit ka pretenduar që ylli i Paris Saint Germain, Neymar JR, është “teknikisht lojtari më i mirë në botë”.

Reprezentuesi brazilian është bërë njëri nga yjet më të mëdhenj në botën e futbollit pas Lionel Messit dhe Cristiano Ronaldos, transmeton portali arbresh.info. Transferimi i tij nga Barcelona në PSG i ka dhënë shansin për të vërtetuar vetën larg hijës së Messit.

Në nivelin personal ai tashmë e ka bërë këtë duke dërguar në një nivel tjetër lojën e tij te skuadra franceze. 29 gola dhe 16 asistime brenda pak muajsh derisa sezoni ende nuk ka përfunduar shfaq që ai është thjeshtë një top lojtar. Prandaj, lëvdatat nuk kanë munguar as nga futbollisti legjendar Pele.

“Neymar ka ndryshuar mënyrën se si luan me skuadrën kombëtare. Ai është dashur ta bëjë këtë. Te klubi i tij, ai ishte duke luajtur si një sulmues i krahut të majtë, ndërsa për Brazilin, ai luan më shumë si qendror, si një lojtar tradicional me numër 10”, ka thënë Pele për faqen zyrtare të FIFA-së, transmeton portali arbresh.info.

“Ai është i gatshëm për të udhëhequr këtë skuadër. Ai mund ta kuptoj që kalimi taktik nga klubi i tij te skuadra kombëtare nuk është i hapur, por Neymar është lojtari kryesor i Brazilit”

“Ai duhet ta përgatis vetën për atë. Dhe unë dua të vazhdoj tutje: për mua teknikisht, ai tashmë është lojtari më i mirë në botë. Jam absolut i sigurt për këtë”

Edhe pse Neymar e ka vërtetuar vetëm me gola dhe asistime këtë sezon, ai duhet ta vërtetoj vetën tutje në faza të mëdha. Kur ata u përballen me Real Madridit, braziliani nuk shkëlqeu në takimin e parë, por ai ende ka shansin për ta bërë këtë javën e ardhshme në ndeshjen kthyese./arbresh.info/