“Nëse do të isha në Real Madrid, do të nënshkruaja menjëherë me të”

21:17 | 16 Tetor 2018
Arbresh Info

Ish trajneri i Real Madridit, Fabio Capello beson se klubi i tij ka nevojë të nënshkruaj “menjëherë” me sulmuesin e Interit, Mauro Icardin.

‘Los Blancos’ janë duke pasur vështirësi për të gjetur portën qysh pasi superylli Cristiano Ronaldo u largua nga klubi për transferim te Juventusi gjatë verës, transmeton portali arbresh.info.

Skuadra nën udhëheqjen e Julen Lopeteguit aktualisht është pa gola në katër ndeshjet e fundit – kundër Alaves, CSKA Moscow, Atletico Madridit dhe Sevillas

“Jam një tifoz i tij”, ka thënë Capeollo për ‘Radio Rai’.

“Ai është një specialist në zonën e penaltisë, ashtu siç ishte Cristiano Ronaldo, dhe nëse ju vendosi tre topa në atë zonë, ai do të shënojë tri herë”

“Nëse do të isha në Real Madrid, do të nënshkruaja menjëherë me të”

Deri tani, Icardi ka bërë 190 paraqitje në të gjitha kompeticionet te Interi duke shënuar 112 gola./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm