Gonzalo Higuain mund të shitet për të liruar vend për blerjen e Cristiano Ronaldos nga Juventus.
Gonzalo Higuain bën gati valixhet për t’u larguar nga Juventusi. Sipas mediave italiane, klubi bardhezi ka arritur marrëveshjen me Chelsea-n për transferimin e argjentinasit në Londër për 60 milionë euro.
Zyrtarizimi i sulmuesit në “Stramford Bridge” pritet të ndodhë sapo të marrë detyrën Maurizo Sarri.
Mirëpo Higuain nuk do të jetë i vetmi që do të marrë rrugën drejt kryeqytetit të Anglisë. Sarri ka kërkuar nga kampionët në fuqi të Italisë edhe Ruganin, me të cilin ka punuar kur të dy ishin pjesë e Empolit.
Për momentin, duket se Roman Abramovich është përqendruar te zgjidhja e kontratës me Anonio Conten, për t’ia besuar ekipin një tjetër trajneri italian, transmeton “SS”.
Mbeten për t’u përcaktuar edhe disa detaje, por, sapo të zgjidhen problemet e fundit, Chelsea do të mbyllë menjëherë marrëveshjen me Juventusin për Higuainin, për të cilin ka pranuar të shpenzojë 60 milionë euro, pavarësisht 30 viteve që ka mbi shpinë sulmuesi argjentinas.
Kuka: Ministria e Sportit të krijoj mekanizma për përgjegjës...
Gjuajtje me armë në drejtim të një shtëpie në Dragash, polic...
Arrestohen 33 persona me urdhëresa tё gjykatave gjatë muajit...
Kurti dënoi sulmin e Iranit ndaj Izraelit, ambasadorja Ziv e...
Në 24 orë, policia shqipton 2460 gjoba në trafik
Aksident trafiku në Klinë të Mesme