Në fundjavë luhet derbi i madh Trepça-Sigal Prishtina

15:20 | 27 Shtator 2023
Arbresh

Trepça dhe Sigal Prishtina do të  perballen të shtunën mbrëma me fillim nga ora 19:00, në palestrën “Minatori” në Mitrovicë.

Kjo sfidë do të luhet në kuadër të xhiros së dytë në Supërligën e Kosovës në Basketboll shkruan, Arbresh.info.

Këto dy skuadra do të ndeshen për herë të dytë këtë sezon, pasi u përballën edhe në gjysmëfinalen e Superkupës së Kosovës, aty ku triumfuan xehetarët me rezultat 68-65.

Në xhiron e parë të Superligës, mitrovicasit triumfuan ndaj Istogut me rezultat të thellë 112-65, ndërsa kryeqytetasit mposhtën Proton Cable Prizrenin pas vazhdimeve 93-89.

Kjo pritet të jetë edhe kryendeshja e xhiros së dytë në basketbollin kosovar.

Në takimet tjera përballen Bashkimi-Vëllaznimi, Proton Cable Prizreni-Peja dhe Golden Eagle Ylli-Istogu. /Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm