“Ndihem mesfushori më i fortë në Europë”, Çalhanoglu: Miqësorja me Italinë? Një provë e mirë për ne

16:30 | 4 Qershor 2024
KRG

Në prag të Kampionatit Europian, Gjermani 2024, Italia dhe Turqia do të zhvillojnë një ndeshje miqësore këtë të martë në mbrëmje.

Ndërsa ka folur për mediet përpara miqësores, mesfushori turk i Inter-it, Hakan Çalhanoglu deklaroi se ai mendon që në pozicionin ku luan është futbollisti më i mirë në Europë.

“Siç e kam thënë shumë herë, ndihem më i miri në Europë. E di mirë që ka shumë kampionë, megjithatë jam duke u përmirësuar dhe duke u rritur shumë“-tha fillimisht ai.

Sa i përket Italisë dhe si e sheh ai këtë këtë skuadër në EURO 2024, futbollisti turk theksoi se është shumë e fortë dhe se kjo miqësore do të jetë një sfidë e vërtetë për Kombëtaren e vendit të tij.

“Italia është e fortë, fitoi Europianin e fundit. Janë 5-6 nga shokët e mi që luajnë atje, siç tha me të drejtë Spalletti, është një avantazh sepse ata luajnë gjithmonë bashkë. Megjithatë ka edhe lojtarë të tjerë të fortë, do të jetë një test i mirë për ne”-deklaroi Çalhanoglu./Ss

Shpërndaje në rrjete sociale

Lajmet më të lexuara

Të ngjashme

Foto lajm