Ndëshkohet pas vetëm 15 sekondave, thyen rekord në Kampionatin Botëror

16:57 | 27 Qershor 2018
Arbresh Info

Mbrojtësi i Meksikës, Jesus Gallardo nuk ka humbur kohë duke bërë që prezenca e tij të ndihet gjatë ndeshjes së xhiros së fundit në kuadër të grupeve në Kampionatin Botëror kundër Suedisë.

Lojtari ka pranuar kartonin më të shpejtë në histori të Kampionatit Botëror kur nga prapa kreu një ndërhyrje ndaj Ola Toivonenit pas vetëm 15 sekondave për tu ndëshkuar me karton të verë, transmeton portali arbresh.info.

Ky ishte kartoni i verdhë më i shpejtë qysh pas prezantimit të kartonëve në edicionin e vitit 1970 të turneut të zhvilluar në vendlindjen e Gallardos.

Gallardo ndërhyri direkt nga prapa ndaj sulmuesit suedez pas një topi të gjatë që ishte gjuajtur drejtë tij menjëherë pas fillimit të ndeshjes.

Ai theu rekordin e mëparshëm të mbajtur nga Jose Alberto Batistika i Uruguait për ndëshkim pas vetëm 39 sekondave lojë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm